EAEk eta Nafarroak akordio bat sinatu dute osasun arloan

Eusko Jaurlaritzak eta Nafarroako Gobernuak lankidetza akordioa sinatu dute, osasun arretaren alorrean. Horren ondorioz, mugaldeko herrietan bizi diren herritarrek gertuen duten osasun zentrora jo ahalko dute, zentro hori beste erkidegoan egon arren.

Hori horrela, Arabako hainbat herritako (Arraia-Maeztu, Bernedo, Kanpezu, Lagaran eta Haran) biztanlean Nafarroako Osasunbidean artatuko dituzte.

Era berean, Nafarroako mugako herrietako (Arantza, Igantzi, Lesaka, Etxalar, Bera, Cabredo, Genevilla, Lapoblacion, Marañon eta Meano) pertsonak Osakidetzara joan ahalko dira, hala nola Iruneko, Hondarribiko eta Donostiako zentroetara.

Akordioa Jon Darpon eta Fernando Dominguez bi gobernuetako Osasun sailburuek sinatu dute gaur, eta hiru urte egongo da indarrean. Dena dela, horren ostean, automatikoki berrituko da urtero, aldeetako batek salaketarik jarri ezean.