Kautelaz itxiko dute Rojadirecta, domeinu guztietan

Coruñako merkataritzako bat zenbakiko epaitegia ostegun honetan Rojadirecta webgunea kautelaz ixtea erabaki du, dituen domeinu guztietan. Aipatu webguneak kirol-emanaldiak ikusteko estekak eskaintzen ditu.

Epaileak aintzat hartu du DTS Distribuidora de Televisión Digitalek (Canal+) Rojadirecta kudeatzen duen sozietate merkantilaren kontra (Puerto 80 Projects) kautelazko neurriak hartzeko egindako eskaera.

Bestalde, hiri bereko merkataritzako bigarren zenbakiko epaitegiak ez du onartu Rojadirectak egindako ordezko kauzioaren eskaera. Eskaera horretan, 10.000 euro eskaintzen zituen webgunea kautelaz ixteko saiheste aldera. Kasu horretan, ixteko eskaera hori Mediapro eta GolT kateek egiten zuten.