Casillako izotz-pista astelehenean irekiko dute, Bilbon

Casilla pabilioiko izotz-pista astelehenean, abenduaren 7an, jarriko da martxan azkenean, izotz-pistaren oinarria eratzeko orduan arazoak egon baitira. Dirudienez, giroko tenperaturak zaildu egin du izotz-geruzak sortzea. Hasiera batean, Bilboko Udalak larunbatean, abenduaren 5ean, irekitzeko asmoa zeukan.

Bilbao Kirolak erakundetik hala egitea erabaki dute jarduera egoki garatzeko behar diren baldintzak behar bezala bete daitezen.

Gauzak horrela, Bilboko Udalak jakitera eman duenez, aurten ere 700 metro karratuko izotz-pista handia bihurtuko da Casilla Pabiloia Gabonetan. Bilbao Kirolak erakundeak antolatzen duen ekimena da, bilbotar guztien aisialdirako eta entretenimendurako.

Pista bihar arratsaldean (abenduak 5) 16:00etan zabalduko da eta irekita egongo da 2016ko urtarrilaren 17ra arte. Jarduera honetan 10:00etatik 14:00etara goizez eta 15:30etik 22:00ra egon daiteke, eta sartzeko azken ordua 21:00etan izango da. Gabon-egunean eta Gabon zahar egunean, azken pasea 18:30ean izango da eta Natibitate-egunean, Urteberri-egunean eta Errege egunean arratsaldez baino ez da irekiko, 17:30etik 21:30ak arte (azken pasea 20:30ean).

Prezioak eta aurretiko salmenta

Sarreren salmentei dagokionez, erosteko bina modu daude, bata, aldez aurretik edo leihatilan eros daitezke. Sarrerak aldez aurretik erosteko, online, kutxabank edo multizerbitzu kutxazainetan, eta ikasleentzako eta taldeentzako erreserbei dagokionez, mezu bat bidali beharko da pistadehielo@congrebas.com helbidera edo 94 410 61 55 / 652 416 576 telefonoetara deitu beharko da. Casilla pabiloiko leihatilan ere eros ahal izango dira.

Hauek izango dira izotz-pistako prezioak: 14 urtetik gorakoentzat, 4,60 euro orduko; 14 urte beherakoentzat, 3,60 euro orduko (nortasun-agiria erakutsi beharko da); eta Bilbao Kirolak erakundeko abonatuek (txartela erakutsita) eta eskola-ikasleek (astelehenetik ostiralera, jai egunak barne ez direla) 2,60 euro orduko.