Montserrat Caballek sei hilabeteko espetxe-zigorra onartu du

Iaz Fiskaltzarekin adostutako akordioa berretsi du gaur Montserrat Caballe sopranoak epailearen aurrean. Hala, sei hilabete espetxe-zigorra eta 254.231 euroko isuna onartu ditu iruzur fiskala egiteagatik. Agerraldia bideokonferentzia bidez eta ateak itxita egin du artistak.

Fiskaltzarekin itxitako akordioa berretsi besterik ez du egin sopranoak, epaitegiko iturriek jakitera eman dutenez. Honenbestez, 2010eko errenta aitorpenean Ogasunari 500.000 euroko iruzurra egin ziola onartu du Caballek. Diru kopuru hori itzuli du dagoeneko.

Bere etxeko jangelaren aulki batean eserita, Caballek agerraldia bideokonferentzia bidez eta ateak itxita egin du Bartzelonako epaitegi bateko epailearen aurrean.