Bi atxilotu Bilbon, lapurretan harrapatu eta autoan ihes egin ostean

Ertzaintzak 39 eta 46 urteko bi gizonezko atxilotu zituen atzo Bilbon, kalean aparkatuta zeuden auto batzuetan lapurreta egiten harrapatu eta autoarekin ihes egiten ahalegindu ostean.

Eusko Jaurlaritzaren Segurtasun Sailak berri eman duenez, lekuko batek lapurretaren berri eman zion Ertzaintzari eta patruila bat bertaratu zen tokira.

Ertzainek ustezko lapurrei gelditzeko agindua eman bazien ere, autoan ihes egin zuten harik eta Santos Juanes plazaren inguruetan atxilotu zituzten arte.