Gizartea -
Bahiketa Indiako Ozeanoan
Piratek bahitutako ontzia ez da espainiarra, Gobernuaren arabera
Piratek bahitutako Sakoba ontzia Kenyakoa dela baieztatu du Zapateroren Gobernuak, hasiera batean galiziarra zela zabaldu den arren.
Erredakzioa
Sakoba izeneko ontzi bat bahitu dute piratek Indiako Ozeanoan. Hasiera batean ontzia galiziarra zela zabaldu dute, baina Espainiako Gobernuak gezurtatu egin du informazio hori.
Gobernuaren arabera, ontzia Kenyakoa da eta kapitaina portugaldarra da, baina Espainiako naziotasuna ere badauka eta Vigon bizi da.
Sakoba, zehazki, tretzaontzi bat da eta egun marrazoak eta ezpata-arrainak harrapatzen aritzen da.
Joan den astean hiru euskal ontzi bahitzen saiatu ziren piratak. Segurtasun pribatuko zaindarien eta piraten artean tiroketak izan ziren, baina inor ez zen zauritu.