Gizartea -
Castro Urdialesen
Emakume bat itsasoan sartu eta larrialdi zerbitzuak mobilizatu ditu
Emakumezkoa itsasoan sartu da bikotekidearekin eztabaida izan eta gero, eta erreskate taldeak haren bila joan dira. Azkenean, bere ibilgailuan aurkitu dute.
Erredakzioa
Larrialdi zerbitzuek bikotekidearekin eztabaida izan eta gero itsasoan sartu zen 31 urteko emakumezko bat bilatu dute bart ordubetez, baina emakumea bere kabuz agertu zen ondoren bere ibilgailuan, bustita eta hipotermia zantzuak zituela.
Mutil-lagunak 19:45ean ohartarazi zituen atzo larrialdi zerbitzuak. Hain zuzen ere, emakumea Oriñoneko hondartzan (Castro Urdiales) itsasoan barrena sartu zela esan zion.
Guardia Zibilaren patruila batzuk, anbulantziak eta DYAren erreskate ibilgailuak emakumea bilatzen hasi ziren berehala aipatu hondartzan eta alboko ingurunetan.
Kantabriako Gobernuaren helikopteroa ere mobilizatu zuten, baina azkenean ez zen hara iritsi, 20:30ean topatu egin baitzuten emakumezkoa, haren autoan.
Hipotermia zantzuak zituenez, Laredoko Ospitalera eraman zuten.