Gizartea -
Emakumeen kontrako indarkeria
Atxilotu bat Gasteizen bere bikotekide ohiari kalean erasotzeagatik
Ustezko erasotzailea ertzain-etxean dago epailearen esku noiz jarriko duten zain. Biktima ospitale batera eraman dute eta bertan artatu dizkiote zituen zauriak; ez dirudi ezer larririk duenik.
Erredakzioa
Ertzaintzak 45 urteko gizon bat atzeman du Gasteizen genero-indarkeria delitu baten ustezko egilea delakoan; bere bikotekide ohiari kale erdian eraso egin izana leporatzen diote.
02:10ak aldera, Ertzaintzak erasoaldi baten inguruko deia jasi du. Deiaren arabera, gizon batek emakume bati eraso egin omen dio Gasteizko Jose Mardones kalean.
Biktimak bere bikote ohiak eraso egin berri ziola baieztatu du; iletik heldu eta lurrera bota ostean, hainbat kolpe eman omen zizkion eta segidan, erasotzaileak handik ihes egin omen zuen.
Ertzaintzak ustezko erasotzailea antzeman du hiriko Olagibel kalean. Berehala atxilotu eta ertzain-etxera eraman dute; bertan dihardu oraindik epailearen esku noiz jarriko duten zain.
Era berean, biktima Gasteizko ospitale batera eraman dute eta bertan artatu dizkiote zituen zauriak; ez dirudi ezer larririk duenik.