Gizartea -
Sutea
Eraikin bat hustu dute Gasteizen sute baten ondorioz
Ez da zauriturik izan, baina Errementari kaleko hiru solairuko etxeko bizilagunak kalera atera behar izan dituzte gazte talde batek erabiltzen duen lokal batean piztutako suarengatik.
Erredakzioa
Gaur goizaldean Gasteizko alde zaharreko gazte lokal batean sutea piztu da eta hiru solairuko eraikin bat hustu behar izan dute, baina ez da zauriturik izan.
Herrizaingo Sailak jakitera eman duenez, sua 02:30 aldera piztu da Errementari kalean, gazte talde batek erabiltzen duen lokal batean.
Suhiltzaileak, Udaltzaingoa eta Ertzaintza bertaratu dira eta hiru solairuko eraikineko zortzi bizilagunak etxetik atera dituzte.
Ordu erdian sutea kontrolpean zuten, baina kalteak nabarmenak izan dira sutea piztu den lokalean.
Suteak ez du zauriturik eragin eta bizilagunek etxera itzuli ahal izan dute sua itzali denean.