Gizartea -
Trafikoa
N-113 errepidea itxi egin dute Castejonen, Ebrok gainezka eginda
Ebro ibaia aurrealerta egoeran dago Castejonen eta egoera berean dago Ega ibaia Andosilla parean.
AGENTZIAK | ERREDAKZIOA
Iruñea eta Madril lotzen dituen N-113 errepidea itxi egin behar izan dute Castejon parean -75. eta 77. kilometroen artean-, Ebro ibaiak gainezka egin ostean, Nafarroako Foru Gobernuak ohar bidez jakinarazi duenez.
Ebro ibaia aurrealerta egoeran dago Castejon parean; zehazki, 6,23 metroko altuera eta segundoko 1.490 metro kubikoko emaria zuen goizeko lehen orduan.
Aldi berean, aurrealerta egoeran dago Ega ibaia Andosilla parean eta horrek 2,19 metroko altuera eta segundoko 93,33 metro kubikoko emaria zuen lehen orduan.
Hau zure interesekoa bada, baliteke beste gai hauek ere izatea
