21 urteko mutil bat atxilotu dute Gasteizen, genero indarkeriagatik

21 urteko gazte bat atxilotu dute gaur, astelehena, Gasteizen, indarkeria matxista delitu bat egin duelakoan, bikotekideari iletik heldu eta mehatxu egiteagatik atari batean.

Udaltzaingoak ohar baten bidez zabaldu duenez, erasoa atzo izan zen, Jose Mardones kaleko eraikin batean, eta biktimak berak eskatu zien laguntza agenteei, gertatutakoaren berri eman eta gero.

Biktimak zehaztu zuenez, bikotekideak mehatxu egin zion, eta lepotik eta iletik heldu, atari batean zeudenean.

Agenteek ustezko erasotzailea atzeman zuten Olagibel kalean, eta atxilotu egin zuten. Gazteak erasoaldiaren zenbait marka zuen azalean, poliziek ikusi zutenez.

Biktima, bestalde, Santiago Ospitalera eraman zuten, eta bertan artatu egin zuten.