Gizartea -
Epaiketa
Fiskaltzak 8 urteko kartzela-zigorra eskatu du Alfredo Irustarentzat
Muskizeko baserri batean gerra garaiko hainbat lehergailu eta munizio gordetzen zituen, baimenik gabe, eta obus bat esku artean lehertu zitzaion.
AGENTZIAK | ERREDAKZIOA
Fiskaltzak zortzi urteko kartzela-zigorra eskatu du Alfredo Irusta txirrindulari ohiarentzat, baimenik gabe lehergailuak eta munizioak gordetzeagatik. Gaur hasiko da epaiketa.
Gertakariak 2014ko ekainaren 14an jaso ziren. 1936ko gerran eta gerra karlistetan aditua da Irusta, eta Muskizen duen baserri batean ezbeharra izan zuen obus bat manipulatzen ari zela. Leherketa bat izan zen, hanka bat galdu zuen eta baserrian kalte materialak izan ziren.
Ertzaintza bertaratu zenean, baserriaren biltegi batean gerra garaiko lehergailuak eta arma ezberdinentzako munizioa gordetzen zuela deskubritu zuten.
Baimenik gabe armak gordetzeagatik egindako delitua egotzita, fiskalak zortzi urteko espetxealdia eskatu du.
