Kale berrietarako emakume izenak proposatzea eskatu du Galdakaok

Galdakaoko herritarrek (Bizkaia) emakume izenak proposatu ahalko dituzte, kale edo espazio berriak izendatzeko.

Ekimena Udalak aurkeztu du gaur, eta herriko kaleetan emakumeen izenak areagotzea du xede.

Horretarako, herritarrek Udalaren webgunean edo herrian jarriko dituzten karpetan aurkeztu ahal izango dituzte izenak.

Proposamen guztiak jaso ondoren, Udalak hainbat aukeratuko ditu, eta horien artean irabazleak hautatzeko berriz ere bozkatu beharko dute auzokideek.