Gizartea -
Nafarroa
Iruñeko zazpi urteko neskato bat ospitalean, meningitisak jota
Zainketa Intentsiboen Unitatean dago, onera egiten ari bada ere. Senideei eta 100 bat laguni antibiotikoa eman diete osasun arduradunek.
aGentziak | Erredakzioa
Iruñeko 7 urteko neskato bat Nafarroako Ospitaleko Zainketa Intentsiboen Unitatean dute meningitisak jota, Nafarroako Gobernuak ohar batean jakinarazi duenez.
Adingabea onera egiten ari da. Senitartekoei eta gertuko 100 bat laguni gaixotasuna saihesteko antibiotikoa eman diete.
Arrotxapea auzoko Cardenal Ilundain ikastetxean dabil neskatoa, eta bertako ikasle eta irakasleak dira artatutako batzuk. Hain justu, Osasunbideko Prebentzio Medikuntza eta Osasun Publikoko adituek azalpenak eman dizkiete denei.
Nafarroako Gobernuak oharrean emandako azalpenen arabera, oraingoz ez dute zehaztu zein meningokoko mota duen.