Gizartea -
Larra-Belaguan
Onik aurkitu dituzte desagertuta zeuden bi mendizale nafarrak
50 eta 19 urteko aita-semeak galdu egin ziren atzo arratsaldean behe-lainoaren ondorioz. Anie 2.507 metroko mendia igo nahi zuten.
Erredakzioa
Nabaskozeko eta Frantziako Estatuko suhiltzaileek eta Foruzaingoak Larra-Belagua mendigunean galdutako bi mendizaleak aurkitu dituzte onik, Foru Gobernuak jakitera eman duenez. Aita-semeak atzo arratsaldean galdu ziren behe-lainoaren eraginez, Anie 2.507 metroko mendia igotzeko ahaleginean.
Aipatu iturriek zehaztu dutenez, mendizaleek eman zuten abisua 18:40 inguruan, eta orduan ongi zeudela esan zuten.
Gau osoan bilaketa-lanetan ari zen dispositiboari Guardia Zibila, Nafarroako Gobernuaren helikoptero bat eta Larrialdi Agentziako salbamendu txakurrak batu zaizkie gaur goizean.
Gobernuak azaldu duenez, 50 eta 19 urtekoak dira desagertu diren mendizaleak, eta onik topatu dituzte.