Gizartea -
Suteak
Hiru sute izan dira Azpeitian, Elorrion eta Hondarribian
Inork ez du minik hartu. Suak abandonatutako lantegi bati eta bi enpresari eragin die.
EITB.EUS
Azken orduotan hiru sute txiki izan dira Azpeitian, Elorrion eta Hondarribian, baina inork ez du minik hartu, Eusko Jaurlaritzako Segurtasun Sailak eitb.eus-i baieztatu dionez.
Azpeitiko eta Hondarribiko suteak goizaldean piztu dira.
Azpeitian, Elosuaga auzoan dagoen lantegi batean piztu da sua; eta Hondarribian, ostera, Madalen kaleko lantegi abandonatu batean. Dena den, ez batean eta ez bestean ez da inor zauritu.
Bestalde, gaur beste sute bat izan da Elorrioko Besaide industrialdeko fundizio batean. Langileak bertatik atera dituzte, baina ez da inor zauritu.
Hau zure interesekoa bada, baliteke beste gai hauek ere izatea