Gizartea -
SUTEA
Muxikako baserri bat kiskali da, sute baten ondorioz
Goizaldean, 05:20 inguruan, piztu da sua. Oraingoz, ez dute argitu zerk eragin duen sutea. Eraikinaren barruan zeuden sei lagunek bere kabuz ateratzea lortu dute, eta ez da inor zauritu.
EITB.EUS
Muxikako Kurtzero auzoko baserri bat kiskalita geratu da, gaur goizaldean, sute baten ondorioz. Eusko Jaurlaritzako Segurtasun Sailak jakitera eman duenez, 05:20 aldera piztu da sua baserrian bertan, eta oraindik ez dakite zerk eragin duen.
Sei pertsona zeuden baserriaren barruan sua piztu denean, eta denak bere kabuz atera dira kanpora. Ez da inor zauritu.
Suhiltzaileek 08:30erako hartu dute sua kontrolpean. Ertzaintzak ikerketa zabaldu du sua zerk piztu duen argitzeko.