Bikotekide ohiaren etxeari su ematen saiatu da gizonezko bat Nafarroan

Gizonezko bat atxilotu dute Nafarroako Erriberan bikotekide ohiaren urruntze-agindua hautsita, haren etxebizitzaren ateari su ematen saiatzea leporatuta.

Halaber, emakumearen oraingo bikotekidearen etxebizitzako atea erretzen saiatzea egotzi diote atxilotutakoari.

Guardia Zibilak jakinarazi dunez, joan den ostegunean, 23:20 aldera, emakume baten deia jaso zuten agenteek bikotekide ohia bere etxeko atera erretzen saiatu zela esateko. Guardia Zibilaren patruila bertaratuta, etxebizitzako atean eta inguruko etxebizitza baten kanpoaldean kalteak zeudela ikusi zuten. Hain zuzen ere, emakumearen bikotekidea bizi da etxe horretan.

Handik gutxira aurkitu eta atxilotu zuten ustezko erasotzailea, emakumearen bikotekide ohia, berarengandik 200 metrora urruntzeko agindua duena. Atxilotua espetxeratzeko agindua eman du epaileak.