Almandozeko auzotar bat hil da autoarekin lubeta batetik amiltzean

Almandozeko 27 urteko bizilagun bat hil da bere lur orotako ibilgailuarekin lubeta batetik amiltzean, adierazi dute Foru Gobernuko informazio iturriek.

Ezbeharra 11:14etan jazo da, Almandozeko hirigunetik gertuko errepide batean (Beola jatetxetik hurbil). Ibilgailua errepidetik atera da eta istripuan egindako hainbat zauriren ondorioz hil egin da.

Osasun zerbitzuak, mediku bat eta erizain bat, istripua jazo den lekura bertaratu dira baina ezin izan dute ezer egin gizonaren ez hiltzeko. Oronozeko suhiltzaileek ibilgailuaren barnetik berreskuratu dute gizonaren gorpua.

Halaber, anbulantzia bat eta Nafarroako Gobernuaren helikoptero bat istripua jazo den lekura hurbildu dira, baina ezin izan dute ezer egin.