Ertzaintzak 3.000 marihuana landare atzeman ditu Zaldibarren

Zaldibarko polizia operazioan, Ertzaintzak 3.000 marihuana landare atzeman ditu, eta 42 urteko gizon bat atxilotu dute ustez osasun publikoaren kontrako delitu bat egiteagatik.

Ertzaintza Zaldibarreko Sorozabal Mendilur poligonoa zelatatzen aritu zen bart, izan ere, aurretik susmoa zuten inguruan marihuana landare ekoizpena egiten zela. Ertzainen arabera, inguruan oso nabarmena zen droga horren usaina.

42 urteko gizona pabiloitik atera zen unean, Ertzainek identifikatu egin zuten eta ondoren, pabiloian sartzeko baimena eskatu zioten.

Gizonak baimena eman zien eta, sartu zirenean marihuana ekoizteko laborategi bat aurkitu zuten barruan. Pabiloiak hainbat gela zituen eta besteak beste, marihuanaren ekoizpena optimizatzeko tresnak aurkitu zituzten.

Honez gain, ertzainek 3.000 marihuana landare aurkitu zuten eta ikerketa egin eta gero, 42 urteko gizona momentuan bertan atxilotu zuten.