Itxi

Gizartea

Katalunia

Zika birusak eragindako lehen mikrozefalia kasua atzeman dute

AGENTZIAK | ERREDAKZIOA

Hego Amerikara egindako bidaia batean kutsatu omen zen ama. Haurdunaldiarekin aurrera jarraituko duela iragarri du.

Zika birusak eragindako lehen mikrozefalia kasua atzeman dute fetu batean, Katalunian.

8TV telebistak zabaldu duenez, Hego Amerikara egindako bidaia batean kutsatu omen zen ama. Haurdunaldiarekin aurrera jarraitzeko asmoa iragarri du.

Egun, 39 pertsona daude kutsatuta Katalunian, 15 gizonezko eta 24 emakumezko. Emakume horietako lau hardun daude, eta, ondorioz, kontrol zorrotzak egin behar dituzte, umekiaren egoera zaintzeko.

Generalitatearen Osasun Kontseilaritzak ohar baten bidez jakinarazi duenez, lau emakume horietako batek, zika birusaz gain, dengea ere badu, eta haren fetuak “malformazioak” ditu.

Gainerako hiru kasuetan, berriz, umekiak egoera onean daude.

Bestalde, duela zenbait hilabete kutsatutako emakume batek haurra izan duela eta bai jaioberria bai ama osasuntsu daudela jakinarazi du.

  • Bisitatuena

      Kargatzen ikusiena
      Kargatzen ikusiena