N-240a itxi dute Areatza parean, kamioi batek artaziarena egin ostean

N-240 errepidea itxi behar izan dute goizean Areatza parean (Bizkaia), bi noranzkoetan, kamioi batek artaziarena egin eta auto bat jo ostean, Eusko Jaurlaritzako Segurtasun Sailak eitb.eus-i jakinarazi dionez.

Errepidea 13:45 aldera zabaldu dute berriro, garabi batek kamioia bidetik kendu ostean.

Ezbeharra 10:00etan jazo da. Oraindik argitu ez diren arrazoiak tarteko, Gasteizera bidean zihoan kamioi batek artaziarena egin eta auto batekin talka egin du. Bi ibilgailuak errepidean geratu dira. Ez da inor zauritu.

Ibilgailuak bertatik kendu bitartean, errepidea itxi du Ertzaintzak, eta zirkulazioa Areatzako erdigunetik eta Dimatik bideratu dute. Ondorioz, auto-ilarak sortu dira.