Gizartea -
Jazoera
Motorzale bat larri zauritu da Getarian auto batekin talka eginda
Istripua N-634 errepidean jazo da, Getaria parean. Zauritua Donostiako Ospitalera eraman dute.
AGENTZIAK | ERREDAKZIOA
51 urteko motorzale bat larri zauritu da larunbat honetan bere motorrak beste ibilgailu batekin talka egin ostean, Segurtasun Sailak jakitera eman duenez. Istripua N-634 errepidean jazo da, Getaria parean, larunbat honetako 13:20ak aldera, Honda HRV batek eta Honda NT 700 batek talka egin dutenean.
Motorzalea larri zauritu denez, Donostiako Ospitalera eraman dute. Ertzaintzak trafikoa bideratu du, ibilgailuak bertatik kendu eta Obra Publikoko langileek errepidea garbitu bitartean.
Hau zure interesekoa bada, baliteke beste gai hauek ere izatea