Gizartea -
Ezbeharra
Txirrindulari bat hil da Berriatuan
Ertzaintzak jakitera eman duenez, ezbeharra gaur eguerdian izan da, BI-2405 errepidean.
Agentziak | Erredakzioa
Txirrindulari bat hil da gaur eguerdian Berriatuan (Bizkaia) izan den istripuan, Ertzaintzak jakitera eman duenez.
Ezbeharra BI-2405 errepidean gertatu da, Lekeitiorako bidean. 12:30 aldera ohartarazi dute SOS Deiak, telefono dei baten bidez, Honda CRV auto batek txirrindulari bat harrapatu ondoren.
Berriemailearen esanetan, txirrindulariak oso zauri larriak zituen. Hori dela eta, Ertzaintzako eta Osakidetzako langileak bertaratu dira, helikoptero eta guzti, baina zauritua hilda zegoela baieztatu besterik ezin izan dute egin.
Hau zure interesekoa bada, baliteke beste gai hauek ere izatea