Eusko Jaurlaritza berdintasunaren alde agertu da

Josu Erkorekak, Eusko Jaurlaritzako bozeramaileak, emakumeak eta gizonak berdinak direla esaten duen printzipioa benetan errespetatu behar dela esan du.

Alde horretatik, Erkorekak adierazi du “gabarra bai ala ez” galdetu beharrean, berdintasunaren aldeko benetako apustua egin behar dela. Izan ere, jarrera hori “anekdotikoa” izan daitekeela esan du,  “funtsezkoa” den aldarrikapena alde batera utziz.

Horregatik, emakumeen eta gizonen arteko berdintasuna “eguneroko lanarekin eraiki” behar den zerbait dela deritzo, baina ekitaldi publikoen bitartez ere jarrera hori sustatu beharra dagoela pentsatzen du.

Erkorekak, Athleticeko emakumezkoen taldea zoriondu du berriki irabazi duten Ligagatik.