Gizartea -
Lapurreta Bermeon
Bi ertzain zauritu dira Gernikan lapurrei segika ibili ondoren
Bi susmagarrik ihes egin zuten Bermeon lapurreta egin ondoren. Ertzaintzak ibilgailua Gernikan atzeman zuen.
E. Lotina | eitb.eus
Bi ertzain zauritu ziren bart Gernikan (Bizkaia), ihes egiten ari zen ustezko lapurren autoak Ertzaintzako lur orotarako ibilgailu baten aurka talka egin ondoren, Segurtasun Saileko iturriek eitb.eus-i baieztatu diotenez.
09:30 aldera lapurretaren abisua jaso zuen Ertzaintzak. Bermeon lapurreta egin eta Gernikara ihes egin zuten bi susmagarriek.
Antza denez, ihesaldia gelditzeko Ertzaintzako 4 x 4 ibilgailu bat errepidearen erdian gurutzatu zen. Segurtasun Saileko iturriek, ordea, ez dute informazioa baieztatu, ikerketa zabalik dagoelako.
Ustezko erasotzaileek ertzainen autoaren aurka talka egin zuten. Talkaren ondorioz, bi ertzain eta ustezko lapurretako bat zauritu ziren. Hirurak Galdakaoko ospitalera eraman zituzten.