Armategi bat aurkitu dute Frantziako iparraldean

Frantziako Poliziak armategi bat eta lehergailuak egiteko materiala aurkitu du Mendebaldeko Pirinioetako etxe batean, Kataluniako mugatik gertu, Frantziako Poliziak komunikatu batean jakinarazi duenez.

Etxearen jabea, maiatzaren 6an atxilotu zuten Perpinyànen Espainiako matrikula zeraman kamioi batean munizio garraiatzen zegoenean.

Hain zuzen, karabinak, Winchester fusil bat, Magnum 357 errebolber bat, Beretta pistola bat, balak eta kalibre ezberdineko 1.300 kartutxo hartzen zituen biltegiak. Geroago, gutxi gorabehera 100.000 euro, granadak eta detonagailu bat aurkitu ditu Poliziak.

Hurrengo egunean, 105 milimetrotako obusa, granada gehiago, dozena erdi fusil, zortzi pistola, 230 kargadore eta kalibre ezberdinetako 5.000 kartutxo aurkitu zituzten ikertzaileek etxe bateko garajean. Horrez gain, 20 metro metxa, hogei bat detonagailu eta zenbait mila euro zituzten gutun-azalak aurkitu zituzten.

Maiatzaren 6an Perpinyàko zaintze brigadek Espainiako matrikula zuen kamioi bat geldiarazi zuten eta bi bidairiek munizioa zutela ohartarazi ziren.

Bi lagunak atxilotuak izan ziren eta horietako baten etxea bilatzen zeudela aurkitu zuten armategia.

"Printzipioz" ez du zerikusirik talde terroristekin

Mugatik gertu aurkitutako armategiak "printzipioz" talde terroristekin zerikusirik ez duela azaldu du Perpinyàko Aduana zerbitzuak.

Material guztia aztertu beharko dute adituek oraindik, armaren bat atentaturen batean erabili den egiaztatzeko, baina iturrien arabera, lehen zantzuek hipotesi hori baztertzen dute.

Horrez gain, armategia aurkitu zen etxebizitzako jabea eta berarekin atxilotu zuten emakumea "aske utzi dituzte justiziaren kontrolpean".