Gizartea -
Eraso Matxista gasteizen
Gizon bat atxilotu dute emaztea jotzeagatik, Gasteizen
Atxilotutakoak haurren aurrean jipoitu zuen emakumea. Hala ere, ez du salaketarik jarri nahi izan gizonaren aurka.
agentziak | erredakzioa
Gizon bat atxilotu dute Gasteizen emazteari ukabilkadak emateagatik. Gainera, bikotearen haurren aitzinean gertatu da eraso matxista.
Udaltzaingoaren arabera, erasoa ostiral honetan, goizaldeko 01:45 inguruan gertatu da, eta, lekuko batek egindako deiari esker gelditu erasoa.
Agenteak segituan agertu ziren etxebizitzan eta, lekukoarekin hitz egin eta gero, emakumearekin elkarrizketatu ziren. Emakumeak aitortu egin zuen ez zela izan jipoitzen zuen lehen aldia. Hala ere, emakumeak ez zuen salaketarik jarri nahi izan.
Jipoiaren arrastoak nabarmenak ziren emakumearen gorputzean. Gainera, bikotearen haurrak etxean bertan zeundela ohartu ziren agenteak. Guzti honengatik erasotzailea momentuan bertan atxilotu zuten. Une honetan epailearen esanetara jarri dute.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
