Gizartea -
Irunen
87 kilo marihuana eta 9 kilo haxix atzeman dituzte kamioi batean
Alemaniara fruta zeraman kamioi batean zegoen droga ezkutatuta. N-121 A errepidean paratutako kontrol batean gelditu dute.
EITB.EUS
87 kilo marihuana eta bederatzi kilo haxix atzeman dituzte Alemaniara bidean zihoan kamioi batean, ezkutatuta. Guardia Zibilak N-121-A errepidean, Irun parean, paratutako kontrol batean ibilgailua geldiarazi, eta kabinan topatu dute droga.
Kamioi gidaria atxilotu egin dute, osasun publikoaren kontrako delituaren ustezko egilea delakoan.
Frutaz betetako kamioian 87 kilo marihuana (30 poltsatan banatua) eta bederatzi kilo haxix (90 bat pastilla) atzeman dituzte agenteek. Guztira, 100.000 euroko balioa du atzemandako drogak.