Hiru gizon atxilotu dituzte produktu faltsuak saltzea leporatuta

Polizia Nazionalak hiru gizon atxilotu ditu Iruñen, jabetza intelektualaren kontrako delitu bat egotzita. Ohar baten bidez jakitera eman dutenez, merkatuan 20.000 euroko balioa izan dezaketen produktu faltsuak konfiskatu dizkiete agenteek; izan ere, Sanferminetan saltzeko asmoa zuten.

Gurdibidez bat-batean aldatzen zuen ibilgailu bat sumatu zutenean, agenteek susmagarrien atzetik jarraitzea erabaki zuten. Alabaina, Yanguas Miranda kalean ibilgailua gelditzea lortu zuten.

Ibilgailu horren barruan nazioartean prestigio handia duten marka ezagunen kamisetak, poltsak, diru-zorroak eta koloniak aurkitu zituzten. Atxilotutako gizonek, ordea, ez zieten esan non eskuratu zituzten produktu faltsu horiek. Halaber, baimenik gabe lan egiteagatik eta saltzeko lizentziarik ez izateagatik beste delitu bat egotzi dio Polizia Nazionalak.

Konfiskatu dituzten produktuen artean, 98 kamiseta (besteak beste Adidas eta Nike markenak); 139 poltsa eta diru-zorro (Carolina Herrera, Bimba eta Lola, Channel edota Giovanna); eta 312 lurrin-flasko (Loewe, Calvin Klein, Armani, Carolina Herrera eta Hugo Boss) daude. Polizia Nazionalak azaldu duenez, guzti horiek faltsuak dira.