Euromillones zozketaren saria, Donostiara: 967.000 euro

Euro euria Donostian. 2016ko uztailaren 19ko Euromillones zozketak 966.668 euro utzi ditu Gipuzkoako hiriburuan. Bigarren kategoriako (5+1) txartel baten jabeak eskuratuko du dirutza.

Estatuko Loteria eta Zozketak Donostian duen ordezkaritzak ohar batean jakinarazi duenez, saridun txartela Altza auzoko 'La Esmeralda' loteria saltokian zigilatu zuten.

Lehen kategoriako (5+2) asmatzailerik izan ez zenez, Euromilloneseko saria bigarren kategoriako asmatzaileen artean banatu zuten. Kasu honetan, pertsona bakarra. Bi euro ordaindu zituen apustu automatiko bategatik, orain, 966.668 euro poltsikoratuko ditu.