Bost gizon atxilotu dituzte Nafarroan, indarkeria matxistagatik

Bost gizon atxilotu dituzte asteburu honetan Nafarroan, indarkeria matxistarekin lotutako delituak egotzita. Cintruenigon, Allon, Monteagudon, Allinen eta Alesbesen egin dituzte atxiloketak.

Ostiralean bi gizon atzeman zituzten, horietako bat, Cintruenigon, urruntzeko agindu bat urratzea leporatuta. Biktimak berak ohartarazi zuen Foruzaingoa.

Alesbesen, 57 urteko gizon bat atxilotu zuten larunbatean, genero indarkeria delitu batengatik.

Egun berean, Monteagudon, 40 urteko gizon bat atzeman zuten, emazteari erasotzeagatik.

Gainera, igandean, Allinen, 59 urteko auzokide bat atxilotu zuten, auto baten barruan bikotekidea jotzeagatik.

 

_________________________

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.