Gizartea -
Gueñes
Furgoneta eta edukiontzi bat kiskalita Sodupen, astebetean bigarrenez
Zazpi egunetan bi "ekintza bandaliko" egin dituzte herri bizkaitarrean, balantzea: sei edukiontzi eta furgoneta bat kiskalita, horrez gain, etxebizitza bateko pertsiana bat ere kaltetu zuen suak.
eitb.eus
Furgoneta bat eta edukiontzi bat erabat kiskalita geratu dira Sodupen (Gueñes, Bizkaia) izandako ekintza bandaliko berri baten ostean, bost edukiontzi erre zituzten ekintzatik astebetera.
Udalak ohar baten bidez zabaldu duenez, igandean 21:30ean, Allende Zelaia zubiaren ondoan zegoen kartoia birziklatzeko edukiontzi bati su eman zioten.
Hori dela eta, Ertzaintzaren auto batek eta suhiltzaile-talde batek hara jo zuen sua itzaltzeko.
Handik lau ordura, 01:30ak aldera, berriz ere bertaratu zen Ertzaintzaren eta Suhiltzaileen talde bana, Allende Zelaia kaleko aparkalekuan, furgoneta batek su hartu zuelako.
Ertzaintzak eta Udaltzaingoak zabaldu dutenez, ikerketa zabalik dago egileak identifikatzeko.
Azkenik, "herritarren segurtasunari kalte egiten dion ekintza bandaliko oro" gaitzesten dituela azpimarratu du Udalak.
