50 puntu eman dizkiote neskatila bati rottweiler batek eraso ostean

6 urteko neskatila bati 50 puntu eman dizkiote buruz rottweiler batek kalean eraso ostean. Gertakaria Alacanten izan zen atzo, arratsaldean. Neskatila Ospitale Nagusian dago eta hobera egiten ari da.

Gainera, 21 hilabeteko ahizpa bat eta animaliaren erasoa gelditzen saiatu zen aita ere zauritu zituen animaliak.

Atzo, 19:00ak aldera, beheko solairuan dagoen etxe bateko jabeak atea ireki zuen eta konturatu gabe bi rottweiler kalera atera ziren (ar bat eta eme bat). Une horretan etxe ondotik zihoazen bi haurrak eta horien aita. Orduan, zakurrak 6 urteko umea eraso zuen eta aitak zakurrarekin borroka egin eta alabak autoan sartzea lortu zuen, baina dagoeneko umeak zaurituak zeuden.

Udaltzaingoa bertaratu egin zen eta Animaliak Babesteko Elkarteak animaliei lasaigarria eman eta aterpetxera eraman zituen. Orain, epailearen erabakiaren zain daude.

Neskatila hobera doa, baina bere aitak adierazi duenez, astebete izan beharko da ospitalean.