Gizartea -
Vatikanoa
Aita santuak Mallorcako gotzaina kargutik kendu du
Emakume batekin harremana eduki izana leporatzen diote, nahiz eta berak behin eta berriro ukatu. Oraingoz, Bartzelonako gotzainaren laguntzaileak hartuko du bere tokia.
AGENTZIAK | ERREDAKZIOA
Frantzisko aita santuak Javier Salinas Mallorcako gotzaina kargutik kendu du, ustez, haren idazkariarekin harremana izan ostean. Hala adierazi du gaur Vatikanoko prentsa bulegoak. Aurrerantzean, Valentziako gotzainaren laguntzailea izango da.
Sebastia Taltavull mallorcarrak, orain arte Bartzelonako gotzainaren laguntzailea izan denak, hartuko du gotzain berri bat izendatu arte bere tokia.
Gotzainaren kolaboratzaile batek Javier Salinasek emakume batekin bikote harremana zuela salatu zuen 2012. urtean. Dena den, orain arte Mallorcako gotzaina izan denak behin eta berriro ukatu du.