Hektarea bat pagadi erre da Ilarregin sute baten ondorioz

Ilarregin (Ultzama) piztutako sutea erabat itzali dute. Suteak bi fronte zituen, pagoak, haritzak eta gaztainondoak dituen baso itxi bati eragin dio, eta, Foru Gobernuak jakitera eman duenez, sua itzaltzen ari ziren suhiltzaileek mendean hartu dute. Ondorioz, lan horietan laguntzen ari ziren aireko baliabideek alde egin dute.

Gutxi gorabehera, baso hektarea bat erre da, Foru Gobernuaren arabera.

Baldintza meteorologiko txarrak izan arren, eta eremu horretan baso itxia badago ere, 20:47rako itzali dute suhiltzaileek sutea, lana arin eta ondo eginez, Foru Gobernuaren esanetan. Hala ere, suhiltzaileen talde bat bertan geratu da, badaezpada, ingurua zaintzen.