Gizartea -
Indarkeria matxista
Gizon batek tiro egin dio bikotekide ohiari aurpegian, Galizian
Hamalau urteko alabari ere egin dio tiro, baina balak autobus baten kontra jo du. Emakumezkoa larri dago. Tratu txarren aurkako telefonoa: 016.
Erredakzioa
Gizon batek tiro egin dio bere bikotekide ohiari Coruñan (Galizia), eta 14 urteko alabari ere tiro egiten saiatu da, baina balak autobus baten aurka jo du.
Tiroak egin eta gero, erasotzaileak ihes egin zuen armarekin, baina Poliziak gaur goizean atxilotu du, Culleredo herrian.
Lekukoek azaldu dutenez, tiroketa atzo arratsaldean jazo zen, 15:25ean.
Ordu horretan, gizonezkoak ustez tiro egin zion emakumeari aurpegian, eta ondoren bere alabaren atzean joan zen, baina hura kafe-etxe batean sartu zen, babes bila.
Biktima "larri" dago, Coruñako Ospitale Unibertsitarioan.
