56 etorkin zeramatzaten hiru ontzi erreskatatu dituzte Almeria parean

Itsas Salbamenduak 56 etorkin zeramatzaten hiru ontzi erreskatatu ditu Gatako lurmuturretik (Almeria) 20 miliara, Alboran uhartetik 5era.

Salbamenduko ordezkari baten arabera, Salvamar Denébola itsasontziak 10 etorkin zeramatzan ontzi bat erreskatatu zuen lehenengo Gatako lurmuturrean, eta erreskatea egiten ari zirela, beste ontzi bat ikusi zuten; 15 pertsona zeramatzan.

Almeriako portura iritsitakoan, Gurutze Gorriak hartu ditu 25 etorkinak.

Halaber, Bouyafartik (Maroko) abiatuta 53 etorkin zeramatzan beste patera bat itsasoan zegoela jakin zuen, telefono-dei baten bidez, Itsas Salbamenduak, eta Guardamar Polimnia itsasontzia eta Sasemar 101 hegazkina mobilizatu ditu. Erreskate operazio honetan, 31 etorkin zeramatzan beste patera bat aurkitu dute.

Inguru horretan galdu omen diren beste 85 pertsonaren bila aritu dira.