Gizartea -
Indarkeria Matxista
Emakume bat hil dute labankadaz Avilan
Gizonezko bat atxilotu dute, hiltzailea delakoan. 32 urteko emakumea bere etxebizitzan hil zuten, atzo, Arevalo herrian.
Agentziak | Erredakzioa
32 urteko emakume bat (M.B.M.) hil zuten atzo labankadaz Arevalo herrian, Avilan. Ikerketaren iturriek eta Gaztela Leongo Larrialdi Zerbitzuek esan dutenez, emakumeen aurkako indarkeria kasua izan liteke, zantzu guztien arabera.
Cedro kaleko etxebizitza batean gertatu zen erasoa atzo gaueko 23:00etan. Udaltzaingoa, Guardia Zibila eta Sacyleko sendagileak bertaratu ziren arren, hilda zegoela baieztatu baino ezin izan zuten egin. Konortea galduta zegoen, eta labanaz egindako zauriak zituen.
---
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
