Gizartea -
Ezbeharra
Zauritu bat sukalde batean izandako leherketan, Tolosan
Zauritua Asuncion Klinikara eraman dute. Oraindik ez dituzte argitu jazoeraren nondik norakoak.
AGENTZIAK | ERREDAKZIOA
Gizonezko bat zauritu da larunbat honetan etxebizitza batean izandako leherketa baten ondorioz, Tolosan (Gipuzkoa), Segurtasun Sailak eta Suhiltzaileek jakitera eman dutenez. Leherketa sukaldean jazo da, eta bertan butano-gas barne-zirkuitua zegoen.
Ezbeharraren nondik norakoak oraindik argitzeke daude. Jazoera 16:30ak aldera gertatu da, Berazubi kaleko eraikin bateko lehenengo solairuko etxebizitza batean.
Zauritua Tolosako Asuncion Klinikara eraman dute. Leherketaren ondorioz, kalteak izan dira etxebizitzan eta ondoan aparkatutako bi ibilgailutan.
Hau zure interesekoa bada, baliteke beste gai hauek ere izatea