Gizartea -
Gertaera
Sute batek zazpi auto erre ditu Getxon
Autoak Larrañazubiko deposituan zeuden, desegitera noiz eramango dituzten zain, eta nahita piztu omen dute. Ustezko egileen bila ari dira.
AGENTZIAK | ERREDAKZIOA
Sute batek Getxoko Larrañazubi auzoko aparkalekuan zeuden zazpi auto erre ditu. Antza denez, sua nahita piztu dute.
Sua gaueko bederatziak eta laurden aldera piztu da, eta suhiltzaileek itzali dute. Kaltetutako ibilgailuak Getxoko Udalak Larrañazubi auzoan duen deposituan zeuden, autoak desegiteko zentro batera noiz eramango dituzten zain. Getxoko Udaltzaingoak jakinarazi duenez, autoek kalte ugari izan dituzte.
Getxoko Udaltzaingoak eta suhiltzaileek ikerketa abiatu dute sua nola piztu den argitu eta ustezko egileak identifikatu eta aurkitzeko.
Hau zure interesekoa bada, baliteke beste gai hauek ere izatea