Gizartea -
Rekalden
Atxilotu bat Bilbon, urrian emakume bati egindako sexu-erasoagatik
Erasoa joan den urriaren 1eko goizaldean gertatu zen, emakumea etxera zihoala.
Agentziak | Erredakzioa
Ertzaintzak gizon bat atxilotu du Bilbon, urrian Rekalde auzoan emakume bati sexu-erasoa egin izana egotzita, Segurtasun Sailak baieztatu duenez.
Erasoa joan den urriaren 1ean gertatu zen. Etxera zihoan emakume bati segika ari zitzaion gizon bat, eta garaje baten parean, bultza egin eta han eraso egin zion biktimari.
Atxilotua Ertzaintzaren bulegoan dago, eta agenteak gertatutakoa ikertzen ari dira.
---
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
