Gizartea -
Trafikoa
Auto gidari bat hil da Garesen, kamioi baten kontra talka eginda
Istripua A-12 autobidean gertatu da, Iruñerako noranzkoan. Auto gidaria larri eraman dute ospitalera, eta ordu batzuk geroago hil da. Kamioi gidaria, berriz, arin zauritu da.
AGENTZIAK | ERREDAKZIOA
38 urteko gizonezko bat hil da goizean A-12 autobidean, Iruñerako noranzkoan, Gares parean, gidatzen ari zen autoak kamioi baten kontra talka egin ostean.
Istripua goizeko zortziak aldera gertatu da, Erreniegako tuneletatik gertu.
Auto gidaria larri eraman dute Iruñera, Nafarroako Ospitale Gunera, eta ordu gutxi batzuk geroago hil da, 10:30ean. Kamioi gidaria, berriz, arin zauritu da.
Ezbeharraren eraginez, erreietako bat itxi behar izan dute tarte batez. Erreia itxita egon bitartean, Guardia Zibilak bideratu du trafikoa.
Ikerketa abiatu dute istripuaren nondik norakoak argitzeko.
