Gizartea -
SOS Arrazakeriaren salaketa
Iruñeko Udalaren jokaera, Fiskaltzaren aurrera
SOS Racismok Fiskaltzara txosten bat bidaliko du atzerritar bati egindako erasoaren inguruan. Elkartearen ustez, "gertaera larria izan zen arren", irudiak ez ziren agintari judizialen esku jarri.
Erredakzioa
SOS Arrazakeriak Fiskaltzara txosten bat bidaliko duela jakinarazi du, atzerritar batek Udaltzaingoaren dependentzietan pairatutako erasoaren inguruan Iruñeko alkatetzak zein Udaltzaingoak izan zuten jarrera aztertzeko.
Arrazakeriaren kontrako elkarteak agiri batean adierazi duenez, "gertaera larria izan zen arren", irudiak ez ziren agintari judizialen esku jarri, legeak dioenaren kontra. Horretaz gain, "gertatutakoa ez zietela agintari judizialei hitzez azaldu" esan du SOS Arrazakeriak, eta hori egitea beharrezkoa da, legearen arabera.
Elkartearen ustez, "litekeena da Iruñeko Udaltzaingoak edo Alkatetzak legea urratu izatea" eta hori dela eta aurkeztuko dute txostena.
