Ekintzaile sahararren aurkako 'epaiketa politikoak' salatu dituzte

Euskadiko immigrante sahararren elkarteek, ELA, ESK, LAB eta ESTEILAS sindikatuekin batera, kontzentrazioa egin dute Bilbon, Marokoko Kontsulatu Nagusiaren aurrean, haien ustez, Mendebaldeko Saharan egiten ari diren “epaiketa politikoengatik” protesta egiteko.

Ehunka manifestatzaile bildu dira Gdeim Izik kanpamentu baketsuko saharar batzuei Marokon egindako epaiketen aurrean protestatzeko. 2010ean desegin zuten Marokoko “okupazio indarrek”. Zigortuei 20 urteko eta biziarteko kartzela-zigorra jartzen diete.

Protesta era baketsuan gauzatu dute. Bertaratu direnek pankartak eta Saharako banderak erakutsi dituzte. “Gora sahararren borroka”, “askatasuna Mendebaldeko Sahararentzat”, "Marokok torturatu egiten du, Espainiak disimulatu” edota “kontsulatu hau odoleztatuta dago” kontsignak oihukatu dituzte.

Hassana Asliari biziarteko kartzela-zigorra ezarri zioten 2013an asaldura delituagatik, Bilbora ekintzaile sahararren programa bategatik iritsi zen, eta horrela atxilotua izatea ekidin zuen. Ekintzaileak protestan parte hartu du, eta egoeraren berri eman die komunikabideei.

Frogarik gabe zigortuak

“Auzitegi militarrekin epaiketa gehiago egiten ari dira orain, data hauetan (gabonetako ospakizunetan) nazioarteko begirale eta legelariak izatea zailagoa dela badakitelako”, azaldu du.

Aaliak Gdeim Izik kanpamentuko kideez hitz egin du, “kartzelan zigortuta jarraitzen dute, frogarik gabe, hainbat begiralek onartu duten moduan, besteak beste, Amnistia Internazionalek eta Giza Eskubideen Europako Batzordeak”.

Espainiaren jarrerari dagokionez, Aaliak honako hitzok esan ditu: “Espainiako Gobernuak Marokokoaren jarrera babesten jarraitzen du, beti babestu izan ditu torturatzaileak sahararrak gaizki tratatzen segi dezaten”.