Gizartea -

Nafarroa

186 km/h-ko abiaduran zihoan 90eko muga duen tarte batean, Azkoienen

Andosillako bizilagun batek gidatzen zuen autoa. Foruzainek topatu eta inputatu egin dute.

Radarrak egindako argazkia. Iturria: Nafarroako Gobernua
Radarrak egindako argazkia. Iturria: Nafarroako Gobernua
Radarrak egindako argazkia. Iturria: Nafarroako Gobernua

eitb.eus

Whatsapp Facebook Twitter Telegram Email

Foruzaingoak Andosillako bizilagun bat inputatu zuen aurreko asteazkenean, 186 km/h-ko abiaduran gidatzeagatik 90eko muga duen tarte batean, Nafarroa 115 (Tafalla-Peralta-Rincon de Soto) errepidean, hain zuzen, Azkoienen.

Hilaren 9an abiarazi zuten errepide arrunten kontrolerako kanpaina bereziaren baitan, Tuterako Foruzaingoaren Polizia-etxeko Radar Taldeko agenteek autoa atzeman zuten, baimendutako gehienezko abiadura nabarmen urratu zuelako.

Ondoren, Tafallako Polizia-etxeko agente batzuek autoa topatu, eta gidaria identifikatu eta inputatu zuten, Foruzaingoak ohar baten bidez jakitera eman duenez.

Kanpainak hilaren 15era arte jarraituko du, errepide arruntetan izan ohi diren istripuen kopurua murrizteko asmoz. Iaz 18 pertsona hil ziren errepide horietan, Nafarroako errepideetan hil ziren biktima guztien % 72.

Hau zure interesekoa bada, baliteke beste gai hauek ere izatea
Nafarroa Tutera bideoak Delituak bideoak Tafalla Gaurko azken orduko albistea