Amatatu dute Trapagaraneko txatartegi batean piztutako sua

Ez da zauriturik egon eta ez dute jendea hustu behar izan. Txatartegian zeuden likidoen ondorioz, suhiltzaileen lana luzatu egin da.

Erredakzioa

azken eguneratzea: 2010/07/19 08:17 (UTC+2)

Suhiltzaileek Trapagaraneko (Bizkaia) txatartegi batean piztu den sute bat amatatu dute, Herrizaingo Sailak adierazi duenez.

Sutea 10:50etan piztu da eta 11:30etan amatatzea lortu dute. Oraindik ez dakite zergatik piztu den sua.

Suhiltzaileez gain, Ertzaintza eta anbulantzia bat bertaratu dira ezbeharra jazo den lekura arte.

Iturri berdinek adierazi dutenez, txatartegian zeuden likidoen ondorioz, suhiltzaileen lana luzatu egin da.

Hau zure interesekoa bada, baliteke beste gai hauek ere izatea