Gizartea -
15:20etatik
Sute batek Alde Zaharra eta Etxebarriren arteko metroa eten du
Sua Boluetako azpiestazio elektrikoan hasi da eta, ondorioz, jendea geltokitik atera behar izan dute. Sutea kontrolpean dute eta teknikariak erlojuz kontra lanean ari dira.
Erredakzioa
Bilboko metroak Alde Zaharra eta Etxebarriren arteko zerbitzua eten egin behar izan du 15:20etatik aurrera Boluetako azpiestazioan sortutako sutearen ondorioz. Metroko eta suhiltzaileen iturrien arabera, sutea kontrolpean dago.
Sua aipatutako azpiestazioan hasi da. Bertako elektrizitateak metroko unitate ezberdinak hornitzen ditu eta, protokoloari jarraituz, Boluetako geltokia jendez hustu dute.
Suhiltzaileak bertara joan dira eta 16:45etarako sutea kontrolpean zuten.
Metrotik jakinarazi dutenez, Alde Zaharra eta Etxebarriren arteko zerbitzua etenda jarraitzen du. Teknikariak lanean ari dira zerbitzu hori lehenbailehen lanean jartzeko.