Gizartea -
Gertakaria
Bi zauritu larri Malagako hotel bateko galdara bat lehertuta
Leherketak galdararen instalazioa besterik ez du kaltetu eta ez dute hotel-establezimendua hustu behar izan.
Erredakzioa
Bi pertsona larri zauritu dira Antonio Machado kaleko hotel baten ura berotzeko galdara bat lehertuta, San Pedro de Alcantaran (Malaga).
112 larrialdietarako zerbitzuaren bozeramaile baten esanetan, 09:36etan pertsona batek leherketaren berri eman du. Ez du suterik eragin eta ez dute hotel-establezimendua hustu behar izan, galdararen instalazioa besterik ez duelako kaltetu.
Larrialdietarako zerbitzuak ezin izan du zaurituak hotelaren langileak edo bezeroak diren zehaztu, baina horietatik bat helikoptero batean ospitalera eraman dutela esan du, bertan artatu ahal izateko.
Osasun zerbitzuak, suhiltzaileak eta Polizia Nazionalaren agenteak gertakaria izan den lekura bertaratu dira.