Gizartea -
Aaiun-en
14 kanariar 'etxean giltzapetu' dituzte, Marokon
Kanpo Arazoetarako Ministerioak ezeztatu egin du "giltzapetuta" daudela. Manifestaldi bat hasi eta bertako Poliziak atxilo eraman zituzten. Kanarietarako ontzia hartu arte egongo dira egoera horretan.
Erredakzioa
Anselmo Fariñas Aaiun-en independentziaren aldeko manifestaldi batean 14 atxilotuetako batek esan duenez, "etxean giltzapetu" dituzte Espainia Etxearen egoitzan, Espainiak Mendebaldeko Saharan izan zuen kolonian.
"Askatzen gintuztela uste genuenean, itzultzaileak Espainia Etxean giltzapetuta gaudela eta Aaiunetik Kanarietarako ontzia hartu arte luzatuko dela atxiloaldia esan digu", Fariñasen esanetan.
Atxilotua ontziratu eta Kanarietara heldu arte pasa litekeenaz kezkatuta dago. "Enbaxada espainiarrak ez digu bermerik eman. Pena ematen digu gure egoera sahararren egunerokoa estaltzen aritzea. Gu ez gara protagonista izan nahi, baina ezin dugu gure segurtasuna alde batera utzi; izan ere, ez dugu inolako kontakturik izan Gobernuaren ordezkariekin", salatu duenez.
"Espainiak Mendebaldeko Sahararen administratzailea izaten jarraitzen du, eta, horrek agintzen duen moduan, Espainiako Gobernua da gertatzen zaigun guztiaren erantzule", Fariñasen arabera.
Atxilotuek, 'SaharAcciones' elkarteko kideak, manifestaldi bat deitu zuten, Gobernuaren baimenik izan gabe, Aaiuneko etorbide batean.
Ekitaldian, 11 parte-hartzaileek sahararren aldeko pankartak zabaldu dituztenean, Marokoko Polizia ezkutuko hainbat agentek oldartu zaizkie eta atxilotu dituzte. Ekintzaren helburua, azaldu dutenez, "Mendebaldeko Saharan Giza Eskubideak pairatzen ari diren egoera kritikoa" salatzea da.
Lagunekin elkartu ezin izan ziren taldeko beste hiru kide Nagjir hotelean babestu ziren. 14ak Aaiuneko Espainia Etxeko egoitzan daude.
